Croeso i Geirfan, geiriadur ar gyfer oedolion sy'n dysgu Cymraeg. Ysbrydolwyd Geirfan gan brosiect cydweithio i greu rhestr geiriau yn seiliedig ar ddata corpws, gan dîm yn cynnwys ymchwilwyr o Brifysgol Caerdydd, aelodau o brosiect CorCenCC (Corpws Cenedlaethol Cymraeg Cyfoes), y Ganolfan Dysgu Cymraeg Genedlaethol, a CBAC/WJEC.
Ar hyn o bryd, dim ond 60 cofnod sydd yn y geiriadur achos mae'n mynd trwy gyfnod peilota. Yn ystod y cyfnod datblygu yma, mae'n hynod ddefnyddiol cael adborth gan ymwelwyr â'r safle am gynnwys a dyluniad Geirfan. Bydd yr adborth yma'n helpu gwella'r geiriadur ac i gynllunio sut i greu cofnodion yn y dyfodol.
Cysylltwch â Geirfan drwy ebost neu dewch i gael sgwrs ar Mastodon neu ar Trydar i roi eich adborth.
I ddechrau defnyddio Geirfan, gallwch...
Ysbrydolwyd y wefan hon gan brosiect a gynhaliwyd gan ymchwilwyr o Brifysgol Caerdydd, ynghŷd â'r Ganolfan Dysgu Cymraeg Genedlaethol a CBAC/WJEC, ac a ariannwyd gan Impact Acceleration Account (IAA) y Cyngor Ymchwil Economaidd a Chymdeithasol (ESRC).
Seilir nifer o frawddegau ac esiamplau'r geiriadur ar ddata CorCenCC, Corpws Cenedlaethol Cymraeg Cyfoes.
Cyfrifoldeb llwyr Bethan Tovey-Walsh ydy cynnwys, polisi golygyddol, a phresenoldeb cyfryngau-cymdeithasol Geirfan. Sonir am unigolion neu cyrff eraill mewn cysylltiad â Geirfan er mwyn cydnabod a gwerthfawrogi eu cyfraniadau at ddatblygu'r wefan a'r geiriadur; fodd bynnag, nid yw hyn yn golygu eu bod yn cytuno ag unrhyw agweddau (boed yn amlwg neu'n ymhlyg) a fynegir fel rhan o brosiect Geirfan, na chwaith eu bod yn gyfrifol am gamgymeriadau yng nghynnwys Geirfan.
